Sunday 22 September 2013
नाना पातळ्या मनाच्या...
नाना पातळ्या मनाच्या
आणि चढायला जिने
वर वर जावे तसे
हाती येतात खजिने
नाना पातळ्यांवरून
नाना जागांची दर्शने
उंचीवरून बघता
दिसे अमर्याद जिणे
उंच पातळीवरून
दिसतात स्पष्ट वाटा
वर जावे तसा होतो
आपोआप नम्र माथा
नाना पातळ्यांवरती
नाना लढतो मी रणे
होता विजयी; बांधितो
दारावरती तोरणे
- कवि म. म. देशपांडे.
कविता सौजन्य - http://ek-kavita.blogspot.in/2011/08/blog-post_11.html
Subscribe to:
Post Comments (Atom)
No comments:
Post a Comment